ཕ་ཁི་སི་ཐན་ཕྱོགས་ཀྱིས་དབྱི་སི་རལ་གྱི་དམག་དཔུང་གིས་ཅ་ཧྲ་ས་ཁུལ་དབུས་རྒྱུད་ཀྱི་ཡུལ་གྱར་པའི་སྒར་སར་འཇབ་རྒོལ་བྱས་ཟེར།

ཚེས6ཉིན་ནས་ཚེས7ཉིན་བར། དབྱི་སི་རལ་གྱི་རྒྱལ་སྲུང་དམག་གིས་མུ་མཐུད་དུ་ཅ་ཧྲ་ས་ཁུལ་གྱི་ས་ཆ་མང་པོར་འཇབ་རྒོལ་བྱས། ཕ་ལེ་སི་ཐན་གྱི་སྨྱན་སྦྱོར་སྟེང་གནས་ཚུལ་སྤེལ་བ་ལྟར་ན། ཚེས6ཉིན་གྱི་དགོང་མོར། ཅ་ཧྲ་ས་ཁུལ་དབུས་རྒྱུད་ཀྱི་ནུའུ་སའེ་ལའེ་ཐི་ཡུལ་གྱར་པའི་སྒར་སར་དབྱི་སི་རལ་གྱི་དམག་དཔུང་གིས་འབར་མདེལ་འཕངས་ནས་ཉུང་མཐར་ཡང་མི21རྐྱེན་ལམ་དུ་བཏང་བ་དང་མི་མང་པོ་རྨས་ཡོད། ཉིན་དེར་ཅ་ཧྲ་ས་ཁུལ་བྱང་རྒྱུད་ཀྱི་ཅ་ཧྲ་མཁར་དང་ལྷོ་རྒྱུད་ཀྱི་ལཱ་ཧྥ་སོགས་ས་ཆར་ཡང་དབྱི་སི་རལ་གྱི་དམག་དཔུང་གི་འཇབ་རྒོལ་ཐེབས་ཡོད་ཟེར། 

དབྱི་སི་རལ་གྱི་དམག་དཔུང་གིས་ཚེས6ཉིན་བསྟན་དོན། ཉེ་ཆར་ཅ་ཧྲ་ས་ཁུལ་བྱང་རྒྱུད་ཀྱི་འགུལ་སྐྱོད་ཁྲོད་ཕ་ལེ་སི་ཐན་དབྱི་སི་ལན་འགོག་རྒོལ་ལས་འགུལ་ཧ་མ་སིའི་བཀོད་འདོམས་པ་མང་པོ་བསད་ཡོད་ཟེར།

གཞན་ཡང་ལེ་པ་ནུན་གྱི་སྤྱི་པའི་བདེ་འཇགས་སྡེ་ཁག་གིས་ཚེས6ཉིན་ཁྱབ་བསྒྲགས་བྱས་དོན། ཉེ་དུས་དབྱི་སི་རལ་གྱིས་ལེ་པ་ནུན་གྱི་སྐམ་ལམ་མཐའ་མཚམས་འགག་སྒོར་འཇབ་རྒོལ་ཐེངས་མང་བྱས་པའི་དབང་གིས་ལེ་པ་ནུན་ཕྱོགས་ཀྱིས་མཱ་སི་ནཱ་ཕུད་པའི་སྐམ་ལམ་གྱི་མཐའ་མཚམས་འགག་སྒོ་ཚང་མ་སྒོ་བརྒྱབ་ནས་ས་མཚམས་བརྒལ་ནས་འགྲོ་མཁན་གྱི་བདེ་འཇགས་ལ་སྲུང་སྐྱོབ་བྱ་རྒྱུའི་ཐག་བཅད་པ་ཡིན་ཟེར།