2024ལོའི“ཀྲུང་གོ་བཟོ་ཚོང་དངུལ་ཁང་རྟགས་མའི”མཚོ་སྐོར་རྒྱལ་སྤྱིའི་གཞུང་ལམ་ལྕགས་རྟའི་འགྲན་སྡུར་སྐབས23པ་རྒྱལ་ཁའི་ངང་མཇུག་སྒྲིལ།
ཟླ7པའི་ཚེས14ཉིན། 2024ལོའི“ཀྲུང་གོ་བཟོ་ཚོང་དངུལ་ཁང་རྟགས་མའི”མཚོ་སྐོར་རྒྱལ་སྤྱིའི་གཞུང་ལམ་ལྕགས་རྟའི་འགྲན་སྡུར་སྐབས23པ་མཚོ་བྱང་བོད་རིགས་རང་སྐྱོང་ཁུལ་འཇུ་ལག་ཧོས་རིགས་རང་སྐྱོང་རྫོང་གི་སྤྱི་ལེ་བརྒྱའི་ལོག་དཀར་མེ་ཏོག་གི་ཞིང་ཁམས་མཛེས་ལྗོངས་ཁུལ་ནས་མཇུག་སྒྲིལ་བའི་མཛད་སྒོ་བསྡུས་པ་མ་ཟད་བྱ་དགའ་སྟེར་བའི་མཛད་སྒོ་བསྡུས་ཤིང་། ཧྲིན་ཀྲང་གཞོན་པ་ཝང་ཧའེ་ཧུང་མཛད་སྒོར་ཞུགས་པ་མ་ཟད་བྱ་དགའ་ཡང་གནང་།
སྐབས་འདིའི་མཚོ་སྐོར་ལྕགས་རྟའི་འགྲན་སྡུར་མགོ་བརྩམས་པ་ནས་བཟུང་། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་མགོ་རྩོམ་མཛད་སྒོ་དང་འགྲན་མཚམས་ཁག་གི་བརྒྱུད་རིམ་ཧྲིལ་པོ་ཐད་གཏོང་བྱས་པ་དང་། ཞིང་ཆེན་གྱི་སྨྱན་བྱད་དང་སྒེར་གྱི་སྨྱན་བྱད་ཀྱིས་མཉམ་དུ་ཤུགས་བསྣན་ནས“ཚགས་པར་དང་། སྟེགས་བུ། དྲ་རྒྱ། སྐད་འཕྲིན། དྲ་གནས། བརྙན་རིས”བཅས་གཞི་གཅིག་ཏུ་འདུས་པའི་སྨྱན་སྦྱོར་མཉམ་འདྲེས་ཀྱི་བརྒྱུད་སྤེལ་རྣམ་པ་ཞིག་ཆགས་པ་དང་། མཚོ་སྔོན་གྱིས་སྐྱེ་ཁམས་དཔལ་ཡོན་གྱི་མཐོ་ས་སྐྲུན་པ་དང་ཐོན་ལས“གནས་བཞི”འཛུགས་སྐྲུན་བྱེད་པའི་དམིགས་བསལ་དགེ་མཚན་གང་ལེགས་ཀྱིས་མངོན་པར་བྱས་ཤིང་།“མཛེས་པའི་མཚོ་སྔོན”གྱི་ཤུགས་རྐྱེན་ནུས་པ་དང་མཚན་སྙན་སྔར་ལས་མཐོ་རུ་བཏང་། འགྲན་སྡུར་དེ་སྐྱེ་ཁམས་སྲུང་སྐྱོབ་དང་། གྲོང་གསེབ་དར་སྤེལ། ཞིང་ཕྱུགས་ཐོན་རྫས། རིག་གནས་ཡུལ་སྐོར། ཉོ་ཚོང་འཁོར་རྒྱུག་སོགས་དང་འབྲེལ་ཏེ་མཉམ་འདྲེས་འཕེལ་རྒྱས་ཀྱི་སྟེགས་བུ་གསར་པ་ཞིག་ཧུར་ཐག་གིས་སྐྲུན་པ་དང་། མུ་མཐུད་དུ་ཐོན་ལས་སྦྲེལ་ཐག་གི་རྒྱུན་བསྲིངས་ལ། མཚོ་སྐོར་འགྲན་སྡུར་གྱི་དགའ་སྤྲོའི་དུས་སྟོན་རྩ་འཛུགས་བྱས་ཏེ། ལམ་རྒྱུད་ཀྱི་འགྲན་མཚམས་སོ་སོ་རུ་གཟུགས་འདས་ཤུལ་བཞག་རིག་གནས་གསར་སྐྲུན་དང་ཞིང་ལས་ཁྱད་ལྡན་ཐོན་རྫས་འགྲེམ་སྟོན་ཁུལ126བཀོད་སྒྲིག་བྱས་ནས་འགྲན་སྡུར་གྱི་བྱེད་སྒོ་དེ་དཔལ་འབྱོར་འཕར་གཞི་ཞིག་ཏུ་བསྒྱུར་ཡོད་པ་རེད།
སྐབས་འདིའི་འགྲན་སྡུར་ནང་འགྲན་ཞུགས་དཔུང་ཁག་གི་ཆུ་ཚད་མུ་མཐུད་དུ་མཐོ་རུ་ཕྱིན་ཡོད་པ་དང་། འགྲན་སྡུར་གྱི་རྒྱལ་སྤྱིའི་རང་བཞིན་དང་། རོལ་མྱོང་རང་བཞིན། ཆེད་ལས་རང་བཞིན་བཅས་མངོན་གསལ་དོད་པོས་མཐོ་རུ་ཕྱིན་ཡོད། འགྲན་སྡུར་གྱི་ལམ་ཐིག་དེ་ས་དབྱིབས་མང་པོ་བརྒྱུད་ཡོད་ཅིང་། དེ་སྐྱེ་ཁམས་ཡུལ་སྐོར་བྱེད་སའི་གནས་མཆོག་མང་པོར་ཐོན་པར་མ་ཟད། མི་རིགས་རང་སྐྱོང་ས་ཁུལ་མང་པོ་བརྒྱུད་ཡོད། མཚོ་སྔོན་དྲིལ་སྒྲོག་བྱེད་པའི་སྒེའུ་ཁུང་གལ་ཆེན་དང་ཀྲུང་གོའི་ལྕགས་རྟའི་ལུས་རྩལ་གྱི་བཀྲག་མདངས་འཚེར་བའི་གསེར་གྱི་མིང་བྱང་ལྟ་བུ་ཞིག་ཡིན་པའི་ངོས་ནས་འགྲན་སྡུར་གྱི་རྩ་འཛུགས་དང་། སྤྱོད་ཚུལ། ཚད་གཞི་བཅས་ཚང་མའི་ཐོག་ནས་ཆུ་ཚད་ཧ་ཅང་མཐོན་པོ་མངོན་པ་དང་། ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ཕྱོགས་ཡོངས་ནས་ལག་བསྟར་དོན་འཁྱོལ་དང་རིགས་སོ་སོའི་རྩེར་སོན་འགྲན་སྡུར་བཟང་པོར་སྒྲུབ་པ་དང་ལེགས་པོར་སྒྲུབ་པར་རྩ་ཆེའི་ཉམས་མྱོང་དང་གཞི་འཛིན་ས་ནུས་ལྡན་མཁོ་འདོན་བྱས་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注