གོ་ལ་ཧྲིལ་པོའི་མི་གྲངས་དུང་ཕྱུར103ལ་སླེབས་རྒྱུ་རེད།

ཡོང་ཁུངས། མི་དམངས་དྲ་བ། རྩོམ་སྒྲིག་པ། དབང་ཆེན་དོན་འགྲུབ། 2024-07-14 10:02:28 ཀློག་གྲངས།5813

གོ་ལ་ཧྲིལ་པོའི་མི་གྲངས་དུང་ཕྱུར103ལ་སླེབས་རྒྱུ་རེད།

ས་གནས་དེ་གའི་དུས་ཚོད་ཟླ7པའི་ཚེས11ཉིན། མཉམ་འབྲེལ་རྒྱལ་ཚོགས་དཔལ་འབྱོར་དང་སྤྱི་ཚོགས་ལས་དོན་པུའུ་ཡིས《2024ལོའི་འཛམ་གླིང་མི་འབོར་ལ་རྒྱང་ལྟ་བྱེད་པ》ཞེས་པའི་སྙན་ཞུ་ཁྱབ་བསྒྲགས་བྱས་པ་རེད།

སྙན་ཞུའི་ནང་སྔོན་དཔག་བྱས་པར་གཞིགས་ན། གོ་ལ་ཧྲིལ་པོའི་མི་འབོར་དུས་རབས་འདིའི་ལོ་རབས80པར་དུང་ཕྱུར103ཙམ་ཟིན་རྒྱུ་དང་། དེའི་རྗེས་སུ་མི་འབོར་གྱི་གྲངས་འབོར་རིམ་བཞིན་ཆག་ནས་དུས་རབས21པ་མཇུག་མ་འགྲིལ་གོང་མི་འབོར་དུང་ཕྱུར102བར་ཆག་རྒྱུ་ཡིན་ལ། 2100ལོའི་མི་འབོར་གྱི་སྔོན་དཔག་གྲངས་འབོར་དེ་ལོ10གོང་གི་སྔོན་དཔག་གྲངས་འབོར་ལས6%ཆག་རྒྱུ་རེད།

སྙན་ཞུའི་ནང་ད་ལྟ་གོ་ལ་ཧྲིལ་པོའི་རྒྱལ་ཁབ་དང་ས་ཁུལ་63གྱི་མི་འབོར་གྱི་གྲངས་འབོར་མཐོ་ཤོས་སུ་སླེབས་ཡོད་པ་དང་། མི་འབོར་གྱི་གྲངས་འབོར་གྱིས་གོ་ལ་ཧྲིལ་པོའི28%བཟུང་ཡོད་ཅེས་འཁོད་ཡོད་པ་རེད། མི་འབོར་མང་ཤོས་སུ་སླེབས་པའི་རྒྱལ་ཁབ་དང་ས་ཁུལ་ཁྲོད། སྙན་ཞུའི་ནང་སྔོན་དཔག་བྱས་པར་གཞིགས་ན། འབྱུང་འགྱུར་གྱི་ལོ30ཡི་ནང་དེའི་མི་འབོར14%ལྷག་ཙམ་ཆག་རྒྱུ་དང་། དེའི་ནང་ཨར་པ་ནི་ཡ་དང་པོ་ཧེར། ལི་ཐུ་ཝན་ནི་ཡ། ཕུལ་ཐོ་རི་ཁོ་གླིང་ཕྲན། མོར་ཏུའོ་ཝ་བཅས་ཀྱི་མི་འབོར2054ལོའི་གོང་ཆེས་ཆེར་ཆག་རྒྱུ་རེད།

སྙན་ཞུའི་ནང་ད་དུང་སྔོན་དཔག་བྱས་པར་གཞིགས་ན། 2054ལོར་སླེབས་སྐབས་གོ་ལ་ཧྲིལ་པོའི་མི་རེའི་ཆ་སྙོམས་སྔོན་དཔག་ཚེ་ཚད་ལོ77.4ཟིན་སྲིད། 2080ལོའི་གོང་ལོ་65དང་དེའི་ཡན་གྱི་མི་འབོར་གྱི་གྲངས་འབོར་དེ་ལོ18དང་དེ་མན་གྱི་མི་འབོར་གྱི་གྲངས་འབོར་ལས་བརྒལ་རྒྱུ་རེད།

ཞི་ཅིན་ཕིང་གི་ལེགས་བཤད།

མཚོ་བྱང་ཁུལ་མདའ་བཞི་རྫོང་གིས་ནུས་ཤུགས་ཡོད་རྒུས་ལྗང་མདོག་རྩིས་ནུས་རྣམ་གྲངས་དོན་འཁྱོལ་ཐུབ་རྒྱུར་འགན་ལེན་བྱས་པ།

མདའ་བཞི་རྫོང་མཁོ་འཚོང་མཉམ་འབྲེལ་ཁང་གིས་ཁོངས་གཏོགས་ཁུལ་གྱི་ཁེ་ལས་མཚོ་སྔོན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་སི་ཁྲོན་འོས་སྦྱོར་ཚོགས་འདུར་ཞུགས་པར་རྩ་འཛུགས་བྱས་པ།

རྐང་ཚ་རྫོང་གི་སྐྱེ་ཁམས་ཕྱུགས་ར་དེ་སྐྱེ་ཁམས་སྲུང་སྐྱོང་དང་ཕྱུགས་ལས་འཕེལ་རྒྱས་སུ་འགྲོ་བའི་“གཉིས་ཕན”གྱི་ལམ་ཁར་ཞུགས།