ཕིན་ལི་ཡོན་གྱིས་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་གཞོན་པ་དང་མཉམ་འབྲེལ་རྒྱལ་ཚོགས་ཀྱི་ཨེ་ཙི་ནད་འཆར་འགོད་ཧྲུའུ་ཡི་ལག་བསྟར་ཀྲུའུ་རེན་པའེ་ཨན་དབྱི་མ་དང་འཛམ་གླིང་འཕྲོད་བསྟེན་རྩ་འཛུགས་ཀྱི་ལས་རོགས་སྤྱིའི་འགན་ཁུར་པ་སའོ་ལའོ་མོན་ལ་ཐུག་འཕྲད་གནང་བ།

ཕིན་ལི་ཡོན་གྱིས་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་གཞོན་པ་དང་མཉམ་འབྲེལ་རྒྱལ་ཚོགས་ཀྱི་ཨེ་ཙི་ནད་འཆར་འགོད་ཧྲུའུ་ཡི་ལག་བསྟར་ཀྲུའུ་རེན་པའེ་ཨན་དབྱི་མ་དང་འཛམ་གླིང་འཕྲོད་བསྟེན་རྩ་འཛུགས་ཀྱི་ལས་རོགས་སྤྱིའི་འགན་ཁུར་པ་སའོ་ལའོ་མོན་ལ་ཐུག་འཕྲད་གནང་བ།

ཟླ7པའི་ཚེས11ཉིན། རྒྱལ་ཁབ་ཀྲུའུ་ཞི་ཞི་ཅིན་ཕིང་གི་ལྕམ་མོ་དང་འཛམ་གླིང་འཕྲོད་བསྟེན་རྩ་འཛུགས་གློ་གཅོང་ནད་དང་ཨེ་ཙི་ནད་འགོག་བཅོས་ཀྱི་བྱམས་བརྩེ་གཞུང་ཚབ་པ་ཕིན་ལི་ཡོན་གྱིས་པེ་ཅིན་དུ་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་གཞོན་པ་དང་མཉམ་འབྲེལ་རྒྱལ་ཚོགས་ཀྱི་ཨེ་ཙི་ནད་འཆར་འགོད་ཧྲུའུ་ཡི་ལག་བསྟར་ཀྲུའུ་རེན་པའེ་ཨན་དབྱི་མ་དང་འཛམ་གླིང་འཕྲོད་བསྟེན་རྩ་འཛུགས་ཀྱི་ལས་རོགས་སྤྱིའི་འགན་ཁུར་པ་སའོ་ལའོ་མོན་ལ་ཐུག་འཕྲད་གནང་། 

ཟླ7པའི་ཚེས11ཉིན་གྱི་ཕྱི་དྲོར། རྒྱལ་ཁབ་ཀྲུའུ་ཞི་ཞི་ཅིན་ཕིང་གི་ལྕམ་མོ་དང་འཛམ་གླིང་འཕྲོད་བསྟེན་རྩ་འཛུགས་གློ་གཅོང་ནད་དང་ཨེ་ཙི་ནད་འགོག་བཅོས་ཀྱི་བྱམས་བརྩེ་གཞུང་ཚབ་པ་ཕིན་ལི་ཡོན་གྱིས་པེ་ཅིན་དུ་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་གཞོན་པ་དང་མཉམ་འབྲེལ་རྒྱལ་ཚོགས་ཀྱི་ཨེ་ཙི་ནད་འཆར་འགོད་ཧྲུའུ་ཡི་ལག་བསྟར་ཀྲུའུ་རེན་པའེ་ཨན་དབྱི་མ་དང་འཛམ་གླིང་འཕྲོད་བསྟེན་རྩ་འཛུགས་ཀྱི་ལས་རོགས་སྤྱིའི་འགན་ཁུར་པ་སའོ་ལའོ་མོན་ལ་ཐུག་འཕྲད་གནང་། 

ཕིན་ལི་ཡོན་གྱིས་བསྟན་དོན། ཨེ་ཙི་ནད་དང་གློ་གཅོང་ནད་དར་ཁྱབ་གཏན་འགོག་བྱེད་པ་དེས་མིའི་རིགས་ཀྱི་བདེ་ཐང་བདེ་སྐྱིད་ལ་སྲུང་སྐྱོབ་དང་འཛམ་གླིང་གི་རྒྱུན་མཐུད་འཕེལ་རྒྱས་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན་པ་དང་། མཉམ་འབྲེལ་རྒྱལ་ཚོགས་ཨེ་ཙི་ནད་འཆར་འགོད་ཧྲུའུ་དང་འཛམ་གླིང་འཕྲོད་བསྟེན་རྩ་འཛུགས་ཀྱི་འབྲེལ་ཡོད་ཁྱབ་ཁོངས་ཀྱིས་དགེ་མཚན་ལྡན་ཞིང་ཕན་འབྲས་ཆེ་བའི་ལས་དོན་མང་པོ་བསྒྲུབས་ཡོད། ཕིན་ལི་ཡོན་གྱིས་ཀྲུང་གོའི་ཨེ་ཙི་ནད་དང་གློ་གཅོང་ནད་འགོག་བཅོས་ཐད་ཀྱི་བྱེད་ཐབས་དང་ཉམས་མྱོང་མཚམས་སྦྱོར་བྱས་ཤིང་། མུ་མཐུད་དུ་བྱམས་བརྩེའི་གཞུང་ཚབ་ཀྱི་འགན་འཁྲི་ལག་བསྟར་བྱས་ཏེ། འཛམ་གླིང་ཨེ་ཙི་ནད་དང་གློ་གཅོང་ནད་འགོག་བཅོས་ཐད་སྔར་ལས་མང་བའི་བྱས་རྗེས་འཇོག་འདོད་ཡོད། ཕྱོགས་སོ་སོའི་ཐུན་མོང་གི་འབད་བརྩོན་འོག ཀྲུང་གོ་དང་མཉམ་འབྲེལ་རྒྱལ་ཚོགས་ཨེ་ཙི་ནད་འཆར་འགོད་ཧྲུའུ། འཛམ་གླིང་འཕྲོད་བསྟེན་རྩ་འཛུགས་བཅས་ཀྱི་མཉམ་ལས་ལ་སྔར་ལས་མང་པའི་གྲུབ་འབྲས་ཐོབ་ཐུབ་པའི་ཡིད་ཆེས་ཡོད་པར་བསྟན།

པའེ་ཨན་དབྱི་མ་དང་སའོ་ལའོ་མོན་གྱིས་ཀྲུང་གོ་སྲིད་གཞུང་དང་མི་དམངས་ཀྱིས་གློ་གཅོང་ནད་དང་ཨེ་ཙི་ནད། གཞན་ཡང་འཕྲོད་བསྟེན་ལས་དོན་འཕེལ་རྒྱས་བཅས་ཐད་ཀྱི་དགེ་མཚན་ལྡན་པའི་གྲུབ་འབྲས་ལ་གདེང་འཇོག་མཐོན་པོ་གནང་བ་དང་། ཕིན་ལི་ཡོན་གྱིས་འཛམ་གླིང་འཕྲོད་བསྟེན་རྩ་འཛུགས་ཀྱི་གློ་གཅོང་ནད་དང་ཨེ་ཙི་ནད་འགོག་བཅོས་ཀྱི་བྱམས་བརྩེའི་གཞུང་ཚབ་པའི་ལས་འགན་འཁུར་པའི་ཚུན་གྱི་བླ་མེད་བྱས་རྗེས་ལ་ཚད་མཐོའི་བསྟོད་བསྔགས་གནང་ཞིང་། སྔར་ལས་ལྷག་པར་ཀྲུང་གོའི་འབྲེལ་ཡོད་ཁྱབ་ཁོངས་ཀྱི་མཉམ་ལས་ལ་ཤུགས་བསྣན་ཏེ། འཛམ་གླིང་འཕྲོད་བསྟེན་ལས་དོན་མུ་མཐུད་དུ་འཕེལ་རྒྱས་གོང་འཕེལ་ལ་སྐུལ་འདེད་བཏང་ནས། རྒྱལ་ཁབ་སོ་སོའི་མི་དམངས་ལ་བདེ་སྐྱིད་བསྐྲུན་འདོད་ཡོད་ཟེར།