དབྱི་ལིང་གི་སྔོན་ཆད་ཀྱི་འཕྲོད་བསྟེན་པུའུ་ཀྲང་ཕའེ་ཙེ་ཞེ་ཆི་དབྱང་ལ་ཙུང་ཐུང་འདེམ་བསྐོའི་ཁྲོད་རྒྱལ་ཁ་ཐོབ།

དབྱི་ལིང་གི་སྔོན་ཆད་ཀྱི་འཕྲོད་བསྟེན་པུའུ་ཀྲང་ཕའེ་ཙེ་ཞེ་ཆི་དབྱང་ལ་ཙུང་ཐུང་འདེམ་བསྐོའི་ཁྲོད་རྒྱལ་ཁ་ཐོབ།

དབྱི་ལིང་འདེམ་བསྐོ་ཨུ་ཡོན་ལྷན་ཁང་གི་མགྲིན་ཚབ་པ་དབྱེ་སི་ལཱ་མུས་ཀྱིས་ཚེས6ཉིན་ཁྱབ་བསྒྲགས་བྱས་དོན། དབྱི་ལིང་གི་སྔོན་ཆད་ཀྱི་འཕྲོད་བསྟེན་པུའུ་ཀྲང་ཕའེ་ཙེ་ཞེ་ཆི་དབྱང་ལ་ཙུང་ཐུང་འདེམ་བསྐོའི་ཁྲོད་རྒྱལ་ཁ་ཐོབ་ཡོད་ཟེར།

དབྱེ་སི་ལཱ་མུས་ཀྱིས་ཉིན་དེར་ཏི་ཧེ་ལན་ནས་བསྡུས་པའི་གསར་འགྱུར་སྒྲོག་སྤེལ་ཚོགས་འདུའི་སྟེང་དབྱི་ལིང་གི་སྐབས14བའི་ཙུང་ཐུལང་འདེམ་བསྐོའི་སྐོར་ཐེངས་གཉིས་པའི་འདེམ་ཤོག་འཕངས་པའི་མཇུག་འབྲས་ཁྱབ་བསྒྲགས་བྱས་པ་དང་། ཕའེ་ཙེ་ཞེ་ཅི་དབྱང་དང་འདེམ་སྒུག་མི་སྣ་གཞན་པ། སྔོན་ཆད་ཀྱི་དབུ་བཞུགས་ཉིང་རྡུལ་གྲོས་མོལ་འཐུས་མི་ཅཱ་ལེ་ལེ་གཉིས་ལ་སོ་སོར་འདེམ་ཤོག་བྱེ་བ་གཅིག་དང་ས་ཡ་དྲུག་འབུམ་གསུམ་ཁྲི་བརྒྱད་དང་། འདེམ་ཤོག་བྱེ་བ་གཅིག་དང་ས་ཡ་གསུམ་འབུམ་ལྔ་ཁྲི་གསུམ་ཐོབ་ཡོད་ཟེར།

དབྱེ་སི་ལཱ་མུས་ཀྱིས་བཤད་རྒྱུར། སྐོར་ཐེངས་འདིའི་འདེམ་ཤོག་འཕངས་པའི་ཚད་བརྒྱ་ཆའི་ཞེ་དགུ་དང་གྲངས་ཆུང་བརྒྱད་ཡིན་ལ། དེའི་སྔོན་སྤེལ་བའི་སྐོར་ཐེངས་དང་པོའི་འདེམ་ཤོག་འཕེན་སྐབས་ཀྱི་འདེམ་ཤོག་འཕངས་ཚད་བརྒྱ་ཆའི་བཞི་བཅུ་རེད་ཟེར།

དབྱི་ལིང་གི་ཙུང་ཐུང་འདེམ་བསྐོའི་སྐོར་ཐེངས་གཉིས་པའི་འདེམ་ཤོག་འཕེན་པའི་བྱ་བ་དེ་ཟླ5བའི་ཚེས8ཉིན་མགོ་བརྩམས་པ་དང་། སྐོར་ཐེངས་དང་པོའི་འདེམ་བསྐོའི་ཁྲོད་འདེམ་ཤོག་ཐོབ་ཚད་ཆེས་མང་བའི་ཕའེ་ཙེ་ཞེ་ཆི་དབྱང་དང་ཅཱ་ལེ་ལེ་གཉིས་ཀྱིས་ཙུང་ཐུང་གི་ལས་འགན་ལ་འགྲན་རྩོད་བྱས་པ་རེད། སྐོར་ཐེངས་གཉིས་པའི་འདེམ་ཤོག་འཕེན་པའི་བྱ་འགུལ་དེ་ཕྱི་དྲོའི་དུས་ཚོད་དྲུག་སྟེང་མཇུག་སྒྲིལ་བར་གཏན་འཁེལ་བྱས་ཡོད་ཀྱང་། འདེམ་དམངས་ཀྱིས་འདེམ་ཤོག་འཕེན་པར་སྟབས་བདེ་བཟོ་ཆེད། འདེམ་ཤོག་འཕེན་པའི་དུས་ཡུན་དེ་ཐེངས་གསུམ་ལ་ཇེ་རིང་དུ་བཏང་སྟེ། མཇུག་མཐར་ནམ་གུང་གི་དུས་ཚོད་བཅུ་གཉིས་སྟེང་མཇུག་སྒྲིལ་བ་རེད།