26.ཚན་རིག་དང་མཐུན་པའི་མར་ཁེ་སི་རིང་ལུགས་ཀྱི་རིགས་པའི་གཞུང་ལུགས་ཀྱིས་ཁྲིད་སྟོན་བྱེད་པ་ནི་ང་ཚོའི་ཏང་གི་དད་སེམས་དང་ཡིད་ཆེས་ཇེ་བརྟན་དུ་གཏོང་བ་དང་། ལོ་རྒྱུས་ཀྱི་རང་འགུལ་ཁོང་དུ་ཆུད་པར་བྱེད་པའི（རྩ་བའི་རྩ་བ）ཡིན།

27.ཡོད་ཚད་དོན་དངོས་ནས་མགོ་བརྩམས་ཏེ། དུས་རབས་གསར་བའི་བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་དངོས་ཡོད་གནས་ཚུལ་ལ་དམིགས་ནས་ཐག་གཅོད་བྱ་རྒྱུ་དང་། རྒྱུན་ཆད་མེད་པར་ཀྲུང་གོའི་དྲི་བ་དང་འཛམ་གླིང་གི་དྲི་བ། （མི་དམངས་ཀྱི་དྲི་བ） དུས་རབས་ཀྱི་དྲི་བ་བཅས་ལ་ལན་འདེབས་རྒྱུ། ཀྲུང་གོའི་དོན་དངོས་དང་དུས་རབས་ཀྱི་དགོས་མཁོ་དང་མཐུན་པའི་ཡང་དག་གི་ལན་འདེབས་རྒྱུ་དང་། ཕྱི་ཡུལ་གྱི་ཆོས་ཉིད་དང་མཐུན་པའི་ཚན་རིག་གི་ཤེས་རྟོགས་བྱ་རྒྱུ། བབ་བསྟུན་མདུན་སྐྱོད་ཀྱི་གཞུང་ལུགས་གྲུབ་འབྲས་ཆགས་པར་བྱས་ཏེ། སྔར་ལས་ཀྲུང་གོའི་ལག་ལེན་ལ་ཁྲིད་སྟོན་བྱེད་དགོས།

28.ད་ནས་བཟུང་ཀྲུང་གོ་གུང་ཁྲན་ཏང་གི་ལྟེ་བའི་འགན་འཁྲི་ནི་མཐུན་སྒྲིལ་སྒོས་རྒྱལ་ཡོངས་ཀྱི་རིགས་སོ་སོའི་མི་དམངས་རྣམས་ཁྲིད་དེ་ཁྱོན་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱབ་ཁབ་སྟོབས་ཆེན་འཛུགས་སྐྱོང་དང་ལོ་བརྒྱ་ཕྲག་གཉིས་པའི་འབད་འཐབ་དམིགས་འབེན་མངོན་འགྱུར་བྱ་རྒྱུ། （ཀྲུང་གོའི་ལུགས་ཀྱི་དེང་རབས་ཅན）གྱིས་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ལ་ཁྱོན་ཡོངས་ནས་སྐུལ་འདེད་གཏོང་དགོས་པ་དེ་རེད།

29.ཀྲུང་གོའི་ལུགས་ཀྱི་དེང་རབས་ཅན་ནི（ཀྲུང་གོ་གུང་ཁྲན་ཏང）གིས་མགོ་ཁྲིད་པའི་སྤྱི་ཚོགས་རིང་ལུགས་ཀྱི་དེང་རབས་ཅན་ཡིན་ལ། དེར་རྒྱལ་ཁབ་སོ་སོའི་དེང་རབས་ཅན་གྱི་ཐུན་མོང་གི་ཁྱད་ཆོས་ལྡན་པར་མ་ཟད། རང་རྒྱལ་ཁབ་ཀྱི་གནས་ཚུལ་དང་མཐུན་པའི་ཀྲུང་གོའི་ཁྱད་ཆོས་ཀྱང་ལྡན་པ་རེད།

30.（མ་འོངས་པའི་ལོ་ལྔ）ནི་ཁྱོན་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་མགོ་འཛུགས་ས་དང་གནད་འགག་གི་དུས་སྐབས་ཤིག་ཡིན་པ་རེད།