16.（སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ）ལག་ལེན་མཐར་ཕྱིན་བྱས་ཤིང་བློ་རྩ་བརྟན་པོའི་གཤིས་རྒྱུད་ལ་བརྟེན་ནས་རྒྱལ་ཁབ་ཀྱི་བདག་དབང་དང་བདེ་འཇགས། འཕེལ་རྒྱས་ཀྱི་ཁེ་ཕན་བཅས་ལ་སྲུང་སྐྱོང་བྱས་སྟབས་རྒྱལ་ཁབ་ཀྱི་བདེ་འཇགས་ལ་ཁྱོན་ཡོངས་ནས་ཤུགས་བསྣན་པ་རེད།

17.མཉམ་བཅོས་དང་མཉམ་སྐྲུན། མཉམ་སྤྱོད་བཅས་ཀྱི་སྤྱི་ཚོགས་བཅོས་སྐྱོང་ལམ་ལུགས་སྔར་ལས་འཐུས་ཚང་དུ་བཏང་ཞིང་ནག་སེལ་ངན་འཇོམས་ཀྱི་ཆེད་དོན་འཐབ་རྩོད་ལ་དུས་མཚམས་རང་བཞིན་གྱི་གྲུབ་འབྲས་ཐོབ་པར་མ་ཟད། རང་བྱུང་གི་གནོད་འཚེ་ཚབས་ཆེན་མང་པོར་ནུས་ལྡན་སྒོས་ཁ་གཏད་བཅག་པས（བདེ་འཇགས་ཀྲུང་གོ）འཛུགས་སྐྱོང་བྱེད་པའི་ཆུ་ཚད་སྔར་ལས་ཇེ་མཐོར་སོང་ཡོད།

18.ཁྱོན་ཡོངས་ནས་ཡང་དག་སྒོས“རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལག་ལེན་ལ་སྐུལ་འདེད་བཏང་ཞིང་། “རྒྱལ་ཁབ་གཅིག་ལ་ལམ་ལུགས་གཉིས”དང་། “ཞང་ཀང་བས་ཞང་ཀང་སྐྱོང་བ” “ཨའོ་མོན་པས་ཨའོ་མོན་སྐྱོང་བའི” （ཚད་མཐོའི་རང་སྐྱོང）བཅས་ཀྱི་བྱེད་ཕྱོགས་མཐའ་འཁྱོངས་བྱས་པ་རེད།

19.ཁྱོན་ཡོངས་ནས་ཀྲུང་གོའི་ཁྱད་ཆོས་ཀྱི་རྒྱལ་ཁབ་ཆེན་པོའི་ཕྱི་འབྲེལ་ལ་སྐུལ་འདེད་དང་། མིའི་རིགས་ཀྱི་ལས་དབང་གཅིག་མཐུན་ཚོགས་པ་གཏོད་པར་སྐུལ་འདེད། རྒྱལ་སྤྱིའི་དྲང་གཞག་དང་དྲང་བདེན་ལ་བློ་བརྟན་འགྱུར་མེད་སྒོས་སྲུང་སྐྱོང་བཅས་བྱས་ཏེ། ཕྱོགས་རྐྱང་པའི་རིང་ལུགས་དང་སྲུང་སྐྱོང་རིང་ལུགས། （བཙན་དབང་རིང་ལུགས）བཅས་ལ་མཐའ་གཅིག་ཏུ་ངོ་རྒོལ་བྱ་དགོས།

20.ལོ་རྒྱུས་ཐོག་བྱུང་མ་མྱོང་བའི་རུལ་སུངས་ངོ་རྒོལ་ལ་འཐབ་རྩོད་བྱས་ཏེ། “མི་དུང་ཕྱུར14ཡི་རེ་བ་སྟོང་ཟད་དུ་མི་གཏོང་ཆེད་མི་བརྒྱ་ཕྲག་འགའ་ལ་ཕོག་ཐུག་གཏོང་ཆོག་ཆོག་ཡིན་པའི”འགན་འཁྲི་ཕྲག་ཏུ་ཁུར་ནས། རུལ་སུངས་བྱེད་མི་ཕོད་པ་དང་། （རུལ་སུངས་བྱེད་མི་རུང་བ） （རུལ་སུངས་བྱེད་མི་འདོད་པ）བཅས་ཀྱི་གཞི་གཅིག་ཅན་ལ་སྐུལ་འདེད་བཏང་ཡོད།